අමාලිට දැන් ලස්සන සුදු බෝලේ වගේ නංගි පැටියෙක් ඉන්නවා...නංගි ඉපදුන දවසේ ඉස්පිරිතාලේ ගියාම නංගි දාල එන්න බෑ කියලා අමාලි වාටුවේ නැවතුනා නංගි ළඟ.අම්මා නර්ස් කෙනෙක් නිසා අවුලක් උනේ නැහැ.නංගි ගෙදර එක්කන් ඇවිත් ගෙට ගොඩවෙන්න කලින් දොරකඩ ළඟදීම අමාලි නංගිට හුරතල් නමක් දැම්මා සිඟිති කියලා...දැන් ඉතිං අමාලිට වෙන වැඩක් නෑ නංගි ළඟ ම තමයි..
කාලය ඔය විදියට ගත උනා...අමාලි හිටපු පොළ අතු ගෙදර කාමර වෙන් උනේ ඉටි රෙදි වලින්.එක දවසක් අම්ම රෑ වැඩ දවසක මහා වැස්සක් ආවා..අමාලියි,අප්පච්චියි,නංගි හිටපු කාමරේ එක බිත්තියක් පොඩ්ඩක් ඇල වෙලා කියලා අප්පච්චිට තේරුනා.(ඉස්සර අප්පච්චී බීලා වෙරි මරගාතේ කියවනකොට අම්මා රෑ වැඩට ගිය දවස් වලට අම්මගේ ඇඳන් හිටපු ගවුමක් තුරුල් කරන් අඬ අඬ නිදාගත්තු කාමරේ මේක.දැන් නංගි බබා තුරුල් කරන් අමාලි නිදියන්නේ)හොඳටම බය වෙච්ච අප්පච්චී පහුවදාම බාගෙට හදලා තිබුන අලුත් ගේ වැඩ ටික ඉවර කරලා පදිංචි වෙන්න තීරණය කළා...
ඉතිං ඔන්න එයාලා අලුත් ගේ කාමර දෙකක් විතරක් හදාගෙන පදිංචි උනා..අමාලිගේ නංගි ලොකු වෙන්න වෙන්න අප්පච්චිගේ බීම ටිකක් විතර අඩු උනා.අමාලි කවදාවත් අප්පච්චිට බොන්න එපා කිව්වේ නැති උනාට නංගි යන්තම් කතා කරන කාලේ ඉඳන්ම වචන එකතු කර කර කිව්වා බොන්න එපා කියලා..ඒක අහන්නේ නැතුව ඉන්න අප්පච්චිට බැරි වෙන්න ඇති.
මේ වෙනකොට අමාලිගේ අත්තම්මා අප්පච්චිගේ අම්මා ඇවිල්ල හිටියේ.ඒත් වැඩි කාලයක් හිටියේ නැහැ.එයා ආපහු ගියා.අම්මා වැඩට ගිහින් අප්පච්චී ඉස්කෝලේ ගිහින් අමාලිත් ඉස්කෝලේ ගියාම සිඟිති ව බලාගත්තේ නිමේෂා අක්කලාගේ අම්මා..මුතු නැන්දා.ගමේ ඉන්න හොඳම කෙනා.ගෙවල් ගානේ යන්නේ නෑ ඕපාදුප නෑ ගමේ ගෙවිලියක් උනාට හරි බුද්ධිමත් නැන්දා කෙනෙක්.අමාලිත් ඉස්කෝලේ ඇරිලා ඇවිල්ලා එහෙ ඉන්නේ.ඇවිල්ලා නංගිට කිරි හදලා පොවනවා.ලොකු ගෑනියෙක් වගේ කිරි බෝතලේ හදලා අතේ මැණික් කටුව ලඟට කිරි බින්දුවක් හලාගෙන බලනවා රස්නේ වැඩි ද කියලා.අම්මගෙන් බලාගෙන ඉගෙන ගත්තේ ඒ වැඩේ.
ඔහොම දින සති මාස ගත උනා.අමාලි නංගි දෙන්නම ටික ටික ලොකු වෙනවා.අමාලි වැඩි විය පැමිණුනේ මේ අතරේදී.අප්පච්චිට හරි සතුටුයි.එත් ඒ සතුට සමරන්න හිතේ හැටියට අතේ සල්ලි නෑ.අමාලිට පොඩි කාලේ අරන් දුන්න මාලෙයි තවත් අතේ තිබුන සල්ලි දාලා මාලයක් ගත්තා.කලින් හම්බුනා අලුත්ම කරාබු ජෝඩුවක් තිබුනා.අමාලි එක තියාගෙනම හිටියේ ඔය දවසට දාන්න.ලොකු ලොකු උත්සව නම් නෑ.එත් අහල පහල අය ඇවිල්ලා තෑගී බෝග දීල ගියා.ඒ දවස් ටිකම ගත උනේ ඒ තෑගී වට කරගෙන.
ජීවිතේ වෙනමම පිටුවක් පෙරලෙන්නේ මෙතනින් පස්සේ...
..............................................????????????????????????????
මේක ඇත්ත කතාවක්ද
ReplyDeleteම්ම්ම්ම්....ඔව් ඇත්ත කතාවක්..නම් ගම් මනඃකල්පිතයි..
Deleteඅදයි මේ පැත්තට ආවෙ.
ReplyDeleteලස්සනයි ලියමන.
ජයවේවා!!!
ස්තුතියි...දිගටම කියවන්න..
Delete+++++
ReplyDelete??????
Deleteඔයාලගේ කමෙන්ට් නිසා ලියන්න ආසයි...ඔෆිස් එකේ වැඩ හොඳටම වැඩි නිසයි පමා වෙන්නේ..3වෙනි කොටස ඉක්මනින් ලියන්නම්.හැමෝටම ගොඩක් ස්තුතියි..
ReplyDeleteගොඩක් දවසකින්..... ඉතුරු ටික ඉක්මනින් දෙන්නකො
ReplyDeleteහ්ම්ම්..ඉක්මනින් ලියන්නම්...වැඩ අස්සේ හොරෙන් ලොග් වෙන්න එපැයි...හී හී
Delete